Pages

29/07/2012

Malagrabla koloro

Por kompreni mian grumblon hodiaŭ, necesas scii du faktojn:

1.  Plaĉegas al mi spekti sportan gimnastikon.

2. MalplaĉEGas al mi rozkoloro.

Malofte spekteblas sporta gimnastiko per televido. Ne estas kiel, ekzemple, futbalo, kiun oni povas preskaŭ ĉiun semajnon plurfoje spekti.  Eble nur po unu fojon jare estas gimnastika konkurso kiun oni konsideras sufiĉe interesa televide dissendi; kaj eĉ tiam oni plej ofte nur dissendas la finalon.

Tial, mi ĝojegis kiam mi eksciis ke por la Olimpikaj Ludoj ĉi jare, la televida stacio BBC decidis dissendi ĉiun etapon de la konkurso de sporta gimnastiko kaj avide mi surkanape atendis la unuan dissendon hieraŭ.

Imagu mian hororon, do, konstati ke la tuta gimnastika sportejo estas ROZKOLORA!!! Kaj ne nur rozkolora, sed la koloro kiun ni en la angla lingvo ofte nomigas 'Barbie pink' - tio estas la koloro plej ŝatata de la usondevena pupo Barbie.

Aĉe kolorita sportejo :(

Kies stulta ideo estis rozkolorigi la sportejon tiel???  Mi estas malkontenta pro tio :(

Hieraŭ, dum la kvalifikiga konkurso por la viroj, multaj faris neatenditajn erarojn. Neniu surprizo por mi - kiu povus koncentriĝi pri transkapiĝado kaj saltado kiam tiu koloraĉo malatentigas sin!

Eble mi devus malŝalti la koloron de mia televido kaj spekti grize?

2 comments:

Blanka Meduzo said...

Saluton!
Ha, nekredebla kolor(ig)o!
Ankaux mi konsentas vin.

desespero said...

Mi samopinias. Sendube, spektu gimnastikon nigrablanke.