Pages

24/01/2008

urbocentra vendejo

Hodiaŭ, post pluraj tagoj da pluvado, la suno bele brilis. Dum mia lunĉhoro mi, do, marŝadis en la urbocentron kaj faris kelkajn fotojn laŭvoje.

Unue, mi faris la ĉi-suban filmeton de la trafiko:



Mi poste iris en la urbocentran vendejon:
































Multege plaĉas al mi fromaĝo. Fakte, plaĉis al mi ĉiun fromaĝon kiun mi iam gustis, sed aparte la fortgustaj malmolaj britaj fromaĝoj. En la vendejo oni povas aĉeti multajn diversajn fromaĝojn: Ankaŭ estas pluraj aliaj budoj kun diversaj produktoj:Remarŝante al la oficejo mi faris filmeton de la kastelo, kiu montras la bluan ĉielon (oni diras ke denove pluvos morgaŭ :-(

14/01/2008

familianoj

Multe interesas min rigardi malnovajn familiajn fotojn. En la jena bildo oni povas vidi mian pra-avinon (la maljuna virino kiu sidas).

Flanke de ŝi sidas ŝian duan edzon, Dennis Murphy [pr. denis murfi]. La unua edzo de mia pra-avino mortis en la jaro 1917 kaj en 1922 ŝi edziĝis kun S-ro Murphy kiu estis irlandano. Estis multaj irlandanoj en Kardifo kiuj laboris ĉe la haveno.

'Avĉjo Murfi' (kiel oni nomis lin) estis la sola avo kiun mia patro kaj siaj gefratoj konis. Laŭdire li estis afabla, bonkora viro kiu ĉiam ridetis.

Mia pra-avino Mary [pr. Meri - Maria] vivis ĝis ŝia 92-a jaro. Post la morto de Avĉjo Murfi, Mary loĝis sinsekve kun diversaj familianoj dum 20 jaroj. Ŝi loĝis dum 6 monatoj kun unu, tiam ekdecidis ŝanĝi kaj foriris al alia, dum 20 jaroj! Kvankam eta virino, oni diras ke ŝi estis feroca.

Malantaŭ ili en la foto estas la filo de Mary, mia pra-onklo James [pr. ĝems - Jakobo], kaj lia edzino Emily [pr. emili].

Mi kredas ke la foto estis farita inter 1938 kaj 1943. Multe interesas min la vestaĵoj, aparte la ĉapeloj!

09/01/2008

bananoj estas AĈAJ!

Mi malŝategas bananojn. Mi pardonpetas se vi estas banano-manĝanto kaj tiu aserto ofendas vin, tamen ili vere estas diablaj fruktoj .

Mi memoras ke kiam mi estis infaneto mi foje manĝis bananajn sandviĉojn, sed nun mi pli saĝiĝis kaj ne plu tuŝas tiujn aĉaĵojn.

Jes, jes, mi scias. Bananoj estas tre bonaj por la sano: energidonaj kaj digestigeblaj. Ili enhavas
kalion, B-vitaminojn kaj aliajn necesajn nutraĵojn.

Laŭ mi, ili tamen gustas tre malbone. Ili ankaŭ fetoras kaj stinkas! Ne nur tio, la teksturo esta
s ŝlima kaj ŝvelmolaĉa. Strange, ne tro malplaĉas al mi sekigitaj bananaj pecoj, do eble vere estas la teksturo kaj odoro de freŝaj bananoj kiuj plej ĝenas min.

Ĉe la oficejo, Kolego 2 emas manĝi multajn bananojn ĉar plaĉas al li fari sporton. Li klopodas ilin manĝi sekrete ke mi ne rimarku tion kaj koleretiĝi, tamen mi scias kio okazas.

Sufiĉe! Oni ne plu rajtas fumi en oficejo, oni ankaŭ ne rajtu manĝi bananojn tie! Bananaj malŝatantoj de la mondo, unuiĝu!

03/01/2008

Feliĉan Novan Jaron (iom malfrue!)

Iom malfrue mi deziras al vi ĉiuj feliĉan novan jaron 2008.

Mi malmulte blogis lastatempe - ĉe la laboro mi estis tre okupita kaj ankaŭ devis aranĝi multajn aferojn por la jarfinaj festaĵoj de Kristnasko kaj la Nova Jaro.

La 31-an de decembro mi iris kun amiko en la urbocentron kie estis festaĵoj rilate al la jarfino/jarkomenco inkluzive Grandan Radon (kvankam mi tro timis eniri ĝin!)

Je Kristnasko, mia patrino kaj frato venis festi ĉe mia domo, kaj la 27-an de decembro alvenis multaj familianoj kaj geamikoj viziti nin. Kiuj interesas povas spekti fotojn ĉi tie (vi trovos min per la nomo Heather).

Bedaŭrinde, politike kaj internacie la jaro malbone komenciĝis - la novaĵtitoloj en Britio, same kiel en multaj landoj, koncentriĝas sur problemoj diversloke inkluzive Pakistano kaj Kenjo.

Mi, tamen, lasi vin hodiaŭ kun io iom pli pozitive - mi ĉi-matene rete trovis la jenan poeman deklamon de la Zamenhofa poemo La Vojo kaj esperas ke ĝi plaĉos al vi.

Printempo alvenas!

Kunloĝantoj en la norda hemisfero, ĉu ne januaro ĉijare estis unu el la plej longaj monatoj de via vivo ankaŭ? Malbona vetero, senluma ĉielo...