22.5.09
lernu kimrajn vortojn!
Mi jam iom blogadis pri la Brita Kongreso de Esperanto en 2010 kiu okazos ĉe la bela marborda urbo Llandudno. Se vi venos al la kongreso, vi certe vidos kaj aŭdos iom pri la kimra lingvo kaj eble plaĉus al vi lerni kelkajn vortojn...La bona novaĵo estas ke ankoraŭ haveblas ekzemplerojn de la Esperanto-Kimra vortaro. Mendu ĉe la libroservo de Esperanto-Asocio de Britio kontraŭ nur 2.50 britaj pundoj. Eblas aĉeti eĉ se vi ne venos kongresi kun ni.
Pli da detaloj pri la kongreso haveblas ĉe la kongresa retejo kaj kongresa blogo.
18.5.09
mia urbo urbaĉas
Lastatempe en diversaj britaj ĵurnaloj aperis serio da fotoj faritaj de pola studento Maciej Dakowicz [maĉe dakoviĉ]. Dum lia restado kiel studento en mia urbo, Cardiff, li fotadis la kutimajn vidaĵojn en la urbocentro ĉiun vendredon kaj sabaton dum la nokto.
Oni sufiĉe ofte parolas pri la troa drinkado de Brita junularo nuntempe. La fotoj, laŭ mi, povintus esti faritaj en la plej multo da britaj urboj iun vendredon aŭ sabaton. Mi ja loĝas en kutime bela urbo. Sed dum la vesperoj, precipe je la semajnfino, estas vere aĉa. Vidu la bildojn ĉi tie.
Oni sufiĉe ofte parolas pri la troa drinkado de Brita junularo nuntempe. La fotoj, laŭ mi, povintus esti faritaj en la plej multo da britaj urboj iun vendredon aŭ sabaton. Mi ja loĝas en kutime bela urbo. Sed dum la vesperoj, precipe je la semajnfino, estas vere aĉa. Vidu la bildojn ĉi tie.
15.5.09
butikumado
Antaŭ kelkaj tagoj, Kolego 2 donis al mi folion kiun oni enŝovis en liajn manojn kiam li forlasis la stacidomon tiun matenon. La folio reklamis grandan monrabaton kiun oni povis ricevi ĉe urbocentra vendejo ĉi-semajne (inter merkredo kaj sabato).En Britio, malsimile ol en kelkaj aliaj landoj (ekz. Francio kie la datoj por enbutikaj rabatoj estas fiksitaj), vendejoj rajtas fari rabatojn kiam ajn ili deziras. Dum la aktuala ekonoma krizo, do, multaj butikoj ofte pli malmultekoste ol kutime vendas siajn varojn por allogi aĉetantojn.
Dum mia tagmeza laborpaŭzo, do, mi rapidis al tiu granda butiko por vidi kio haveblis. Nu, mi tute ne intencis aĉeti aĵojn... Estis, tamen, tiom da belaj aĵoj kun tiom grandaj rabatoj... Jes, kompreneble, mi ja aĉetis kelkajn belaĵojn, inkluzive jakon el dreliko (kiun mi ne bezonas, sed kiu multe plaĉas al mi) kaj piĵamon. Post tio, mi tiom malfruis ke mi devis kuri re al la oficejo por gajni iom pli da mono, post miaj neplanitaj elspezoj!
13.5.09
sturnoj kaj paseroj
Mi kutimas meti nuksojn kaj semojn en la ĝardeno por manĝigi la sovaĝajn birdojn.
Hodiaŭ, tamen, mi havis kelkajn malfreŝajn panerojn kiujn mi ĵetis el la fenestro sur la ebenan tegmenton sube.
Tre rapide alvenis sturno:
Post iom da tempo ankaŭ alvenis paseroj. Kutime kiam estas manĝaĵbatalo inter la sturnoj kaj la paseroj, la paseroj gajnas (kvankam ili estas malpli grandaj). Hodiaŭ, tamen, la paseroj baldaŭ forflugis kaj la sturnoj manĝis ĉion:
Hodiaŭ, tamen, mi havis kelkajn malfreŝajn panerojn kiujn mi ĵetis el la fenestro sur la ebenan tegmenton sube.
Tre rapide alvenis sturno:
Post iom da tempo ankaŭ alvenis paseroj. Kutime kiam estas manĝaĵbatalo inter la sturnoj kaj la paseroj, la paseroj gajnas (kvankam ili estas malpli grandaj). Hodiaŭ, tamen, la paseroj baldaŭ forflugis kaj la sturnoj manĝis ĉion:
27.4.09
Ĉu vi parolas la Hispanan?
Karaj geamikoj
Mi serĉas iun kiu parolas la Hispanan (aŭ la Eŭskaran) kaj povus helpi min. Kvankam mi lernas la Hispanan, mi ankoraŭ ne bone parolas aŭ skribas ĝin.
Mi bezonas peti informojn de iu en Hispanio (en Eŭskario) rilate mian laboron. Temas pri kelkaj demandoj kiujn mi ŝatus starigi aŭ per telefono, aŭ, prefere, per retmesaĝo.
Ĉu estas iu kiu pretus neformale traduki mallongan retmesaĝon mian en la Hispanan (kaj eble eventualan respondon). Mi preferus la informojn en la Hispana, ĉar tion mi povus mem legi.
Se vi povos helpi min, eble vi povus bonvole kontakti min ĉe esperanto.cardiff (ĉe) googlemail.com
Multajn dankojn!
Eriketo
Mi serĉas iun kiu parolas la Hispanan (aŭ la Eŭskaran) kaj povus helpi min. Kvankam mi lernas la Hispanan, mi ankoraŭ ne bone parolas aŭ skribas ĝin.
Mi bezonas peti informojn de iu en Hispanio (en Eŭskario) rilate mian laboron. Temas pri kelkaj demandoj kiujn mi ŝatus starigi aŭ per telefono, aŭ, prefere, per retmesaĝo.
Ĉu estas iu kiu pretus neformale traduki mallongan retmesaĝon mian en la Hispanan (kaj eble eventualan respondon). Mi preferus la informojn en la Hispana, ĉar tion mi povus mem legi.
Se vi povos helpi min, eble vi povus bonvole kontakti min ĉe esperanto.cardiff (ĉe) googlemail.com
Multajn dankojn!
Eriketo
26.4.09
paraŝutantaj teĉjoj!
Dum mia libertempo ĉe la Brita Kongreso, mi iom promenadis apud la katedralo. Tie mi rimarkis, kun surprizo, fajrekstingan kamionon. Multaj homoj promenadis apude, do certe ne temis pri fajro.
Post kelkaj minutoj la hidraŭla podio de la kamiono leviĝis kaj mi vidis ke la fajrekstingistoj ĵetis pluŝursojn (teĉjojn) el la kabano. Ĉiu pluŝurso portis etan paraŝuton kaj ili (plejparte) sekure atingis la teron!
Fakte, tio estas io kio pli populariĝis dum la lastaj jaroj. Oni iom pagas por ke sies teĉjo havi la rajton paraŝuti kaj la enspezita mono helpas diversajn bonfarajn asociojn. (Ŝajnas ke la teĉjoj tute ne havas la rajton protesti - kiu ŝajnis al mi iom maljusta - sed infano diris al mi ke ili ja ĝuas la sperton.... :-))
Por vidi paraŝutantajn teĉjon, spektu la ĉi-subajn filmetojn:
Post kelkaj minutoj la hidraŭla podio de la kamiono leviĝis kaj mi vidis ke la fajrekstingistoj ĵetis pluŝursojn (teĉjojn) el la kabano. Ĉiu pluŝurso portis etan paraŝuton kaj ili (plejparte) sekure atingis la teron!
Fakte, tio estas io kio pli populariĝis dum la lastaj jaroj. Oni iom pagas por ke sies teĉjo havi la rajton paraŝuti kaj la enspezita mono helpas diversajn bonfarajn asociojn. (Ŝajnas ke la teĉjoj tute ne havas la rajton protesti - kiu ŝajnis al mi iom maljusta - sed infano diris al mi ke ili ja ĝuas la sperton.... :-))
Por vidi paraŝutantajn teĉjon, spektu la ĉi-subajn filmetojn:
Venu al Kimrio!
La fina 'formala' okazaĵo ĉe la 2009-a Brita Kongreso estis la bankedo. Post la bankedo, Harry Barron [hari baron] kiu estas LKK-ano por la venontjara Brita Kongreso, interese prezentadis pri Kimrio (kie okazos la kongreso).
Espereble, lia prezentado baldaŭ haveblos ĉe la kongresa retejo.
Kial ne venu venontjare kongresi kun ni en norda Kimrio??? Vizitu la retejon kaj blogon.
Espereble, lia prezentado baldaŭ haveblos ĉe la kongresa retejo.
Kial ne venu venontjare kongresi kun ni en norda Kimrio??? Vizitu la retejon kaj blogon.
La klostroj de la katedralo
La katedralo de Salisbury
Kiam mi antaŭ du semajnoj ĉeestis la Britan Kongreson de Esperanto, tuj apud nia kongresejo troviĝis la bela katedralo de la urbo Salisbury.
Jen kelkaj fotoj kiuj montras ĝin.
Jen kelkaj fotoj kiuj montras ĝin.
La urbo Salisbury
Dum la Brita Kongreso de Esperanto, estis, kompreneble, oportunojn viziti la urbon.
La sabaton posttagmezon alvenis mia frato kiu loĝas ne tre longe for de la kongresa urbo. (Fakte, kvankam mi estas denaska Esperantistino, li estas denaska malesperantisto, tamen li konsentis veni al urbo 'plene je gefrenezuloj esperantistaj' por vidi min kaj mian patrinon!) Kune ni iom vagadis tra la urbo.
Jen, do, kelkaj fotoj kiuj montras la urbon Salisbury [solzbri].
La 'Poultry Cross' (kortobirda kruco) kie oni estintece vendis kokinojn ktp.
Apude estas la 'Arĝenta Strato' kie la arĝento-vendistoj iam havis komercojn.
Apud la kongresejo troviĝis interesa mur-horloĝo.
La suba ŝildo informis jene:
"Grava kaj trafa punkto kiu povus interesi la preterpasanton... Dum la jaro de nia Sinjoro 1752, la reformacio de la kalendaro okazis (vidu ĉi-supran horloĝon kun la dato 1749). La Juliana kalendaro tro mallongigis la jaron kaj la amasigita eraro nombris dekunu tagoj. Anglio adoptis la Gregorian aŭ reformitan kalendaron, tial la tago kiu sekvis la 2-an de septembro 1752, iĝis la 14-an de septembro 1752."
Sube, la preĝejo de Sankta Tomaso:
Tra la urbo fluas kvin riverojn. Jen unu:
Apude estis akvo-rado:
Apud la kongresejo ni rimarkis domon kie oni tondis la arbustojn en sciuro-formon!
Estas apud la katedralo multaj belaj flor-ĝardenoj:
La sabaton posttagmezon alvenis mia frato kiu loĝas ne tre longe for de la kongresa urbo. (Fakte, kvankam mi estas denaska Esperantistino, li estas denaska malesperantisto, tamen li konsentis veni al urbo 'plene je gefrenezuloj esperantistaj' por vidi min kaj mian patrinon!) Kune ni iom vagadis tra la urbo.
Jen, do, kelkaj fotoj kiuj montras la urbon Salisbury [solzbri].
La 'Poultry Cross' (kortobirda kruco) kie oni estintece vendis kokinojn ktp.
Apude estas la 'Arĝenta Strato' kie la arĝento-vendistoj iam havis komercojn.
Apud la kongresejo troviĝis interesa mur-horloĝo.
La suba ŝildo informis jene:
"Grava kaj trafa punkto kiu povus interesi la preterpasanton... Dum la jaro de nia Sinjoro 1752, la reformacio de la kalendaro okazis (vidu ĉi-supran horloĝon kun la dato 1749). La Juliana kalendaro tro mallongigis la jaron kaj la amasigita eraro nombris dekunu tagoj. Anglio adoptis la Gregorian aŭ reformitan kalendaron, tial la tago kiu sekvis la 2-an de septembro 1752, iĝis la 14-an de septembro 1752."Sube, la preĝejo de Sankta Tomaso:
Tra la urbo fluas kvin riverojn. Jen unu:
Apude estis akvo-rado:
Apud la kongresejo ni rimarkis domon kie oni tondis la arbustojn en sciuro-formon!
Estas apud la katedralo multaj belaj flor-ĝardenoj:
Brita Kongreso de Esperanto 2009
Vendredon la 17-an de aprilo mi vojaĝis sud-orienten al la angla urbo Salisbury [pr. solzbri] por ĉeesti la 90-an Britan Kongreson de Esperanto. Fakte, dum kelkaj jaroj, pro diversaj kialoj, mi ne estis ĉeestinta Britan Kongreson, do mi antaŭĝuis la oportunon revidi malnovajn geamikojn kaj fari novajn.
Salisbury estas interesa urbo, kiun mi tute ne konis antaŭe. La kongreso okazis ĉe la teologia kolegio kiu troviĝas apud la katedralo. Jen, sube, la kongresejo:
La kongresa programo estis interesa kaj diversa. Ni kompreneble festis la 150-an datrevenon de la naskiĝo de Zamenhof kaj ankaŭ la 50-an jubileon de la Junaj Britaj Esperantistoj.
La konata Esperanta poetino kaj verkistino, la eminenta Doktorino Marjorie Boulton tre interese deklamis ja la malferma ceremonio.
Mi ne povas mencii ĉiujn interesajn prelegojn, sed apartaj interesaj por mi estis tiu de Hugh Reid [Hju Rid] Esperanto-ĉu parazito kaj John Wells [ĝon ŭelz] La Frazmelodio, en Internacia Perspektivo.
Kompreneble, estis ankaŭ multaj oportunoj babiladi kaj interkonatiĝi:
Salisbury estas interesa urbo, kiun mi tute ne konis antaŭe. La kongreso okazis ĉe la teologia kolegio kiu troviĝas apud la katedralo. Jen, sube, la kongresejo:
La kongresa programo estis interesa kaj diversa. Ni kompreneble festis la 150-an datrevenon de la naskiĝo de Zamenhof kaj ankaŭ la 50-an jubileon de la Junaj Britaj Esperantistoj.La konata Esperanta poetino kaj verkistino, la eminenta Doktorino Marjorie Boulton tre interese deklamis ja la malferma ceremonio.
Mi ne povas mencii ĉiujn interesajn prelegojn, sed apartaj interesaj por mi estis tiu de Hugh Reid [Hju Rid] Esperanto-ĉu parazito kaj John Wells [ĝon ŭelz] La Frazmelodio, en Internacia Perspektivo.
Kompreneble, estis ankaŭ multaj oportunoj babiladi kaj interkonatiĝi:
16.4.09
amuzaj anasoj
Laŭvoje al la laboro ĉiun tagon mi preterpasas la kastelon. Antaŭ la kastelo estas bela gazono kie homoj ofte sidas kaj piknikas dum la someraj monatoj (kiam ne pluvas!)
Malantaŭ la kastelo estas la granda Rivero Taff [pr. taf] kiu trapasas la urbegon. Sur la rivero estas multaj anasoj, kiuj foje forlasas la riveron kaj sin promenas ĉirkaŭ la kastelon.
Hodiaŭ (je 08.30) mi amuziĝis vidi la ĉi-suban paron da platbekaj anasoj kiuj kuŝis sur la herbo kaj dormis.
Morgaŭ mi forveturos al la 2009-a Brita Kongreso de Esperanto. Pli da novaĵoj pri tio, verŝajne, baldaŭ.
Malantaŭ la kastelo estas la granda Rivero Taff [pr. taf] kiu trapasas la urbegon. Sur la rivero estas multaj anasoj, kiuj foje forlasas la riveron kaj sin promenas ĉirkaŭ la kastelon.
Hodiaŭ (je 08.30) mi amuziĝis vidi la ĉi-suban paron da platbekaj anasoj kiuj kuŝis sur la herbo kaj dormis.
Morgaŭ mi forveturos al la 2009-a Brita Kongreso de Esperanto. Pli da novaĵoj pri tio, verŝajne, baldaŭ.
