Pages

17/04/2011

Ĉe Bristolo

Hieraŭ la suno bele brilis kiam membroj de Esperanto en Kardifo transiris la limon inter Anglio kaj Kimrio kaj ekskursis al la urbo Bristolo. Nia renkontiĝa loko estis la trinkejo/restoracio Zero Degrees kie ni provis mangan bieron kaj bone tagmanĝis. Bristolo ĉe Zero Degrees Dum jardekoj ĉiam ekzistis forta ligoj inter Esperanto-parolantoj en suda Kimrio kaj en Sud-okcidenta Anglio, ĉar facile eblas vojaĝi inter la du regionoj. Ĉe la hieraŭa renkontiĝo estis enloĝantoj de la urboj Cardiff, Newport, Bristol kaj Bath. ĉe Zero degrees Bristolo 2 Estas multaj interesaj konstruaĵoj en la urbo, ofte farbitaj per diversaj koloroj. interesaj domoj Post la tagmanĝo, ni promenadis tra Bristolo kaj, kompreneble faris fotojn. Interesa almozulejo: Eblas promenadi laŭ la kajoj ĉe la haveno: Ni vidis anason kun anasidoj: La Brita politikisto Samuel Plimsoll naskiĝis en Bristolo. Li estas batalanto por pli bonaj kondiĉoj por maristoj kaj kreis la linion Plimsoll. La ŝipo S S Great Britain [Vaporŝipo Granda Britio]. La preĝejo St Mary Redcliffe [sankta maria ĉe Redclif] estas unu el la plej imponaj preĝejoj (ne katedralo) en Britio: Do, estis tre ĝuebla kaj agrabla tago kaj ni esperas denove havi oportunojn kune ekskursi dum la somero.

1 comment:

Сергей said...

Vi logxas in tre interesa urbo, samideanoj.

Printempo alvenas!

Kunloĝantoj en la norda hemisfero, ĉu ne januaro ĉijare estis unu el la plej longaj monatoj de via vivo ankaŭ? Malbona vetero, senluma ĉielo...