Pages

22/05/2007

bela kastelo

Mi pasigis la pasintan semajnfinon ĉe la urbo Warwick en meza Anglio kune kun mia kuzino kaj ŝia edzo. Estas regiono kiun mi sufiĉe bone konas - antaŭ 17 jaroj mi studis ĉe la apuda universitato. Warwick estas bela urbeto kun longa historio. Plej konata eble estas la kastelo kiu originale datiĝas de la jaro 914 KE. La ŝtona kastelo estis konstruita inter la 12-aj kaj 18-aj jarcentoj.

En 1431 estis la tiutempa Grafo de Warwick kiu kontrolis la juĝadon kaj ekzekuton de Johana de Arko ĉe Rouen en Francio. Estas tre multekosta eniri la kastelon (£16 /€23 ) kaj ni ĉiuj jam antaŭe tion faris, do ni pasigis agrablan matenon ĉirkaŭpromenante la urbon.

En la mezo de Warwick estas la impona preĝejo de Sankta Mary. Ĝi fondiĝis en 1123 sed estis preskaŭ detruita pro fajro dum la 18-a jarcento kaj poste rekonstruita. Ankaŭ troviĝas multaj belaj konstruaĵoj kiuj datiĝas de la 16-a jarcento. Jen, do kelkaj bildoj:



1 comment:

Richard Hall said...

Tre belaj bildoj! Mi devas reiri al Warwick por vizito. Mi vin dankas por la memorigo.

Printempo alvenas!

Kunloĝantoj en la norda hemisfero, ĉu ne januaro ĉijare estis unu el la plej longaj monatoj de via vivo ankaŭ? Malbona vetero, senluma ĉielo...