Pages

23/05/2007

Alia interesa urbo

Post nia matena ĉirkaŭpromenado en Warwick ni trafis aŭtobuson al la apuda urbo Leamington (plene nomita Royal [Reĝa] Leamington Spa). Interesis min ĉar dum tri jaroj mi iam loĝis en tiu urbo. Estas stranga reviziti urbon kiun oni bone konis post 13-jara intervalo. Preskaŭ ĉio aspektis same sed mi ne plu apartenis tie.
La ĉi-supra bildo montras la Urbodomo. Estas impona konstruaĵo en la ĉefstrato. En la jaro 1814 malfermiĝis la kuracbanejo loke de fonto kiu troviĝis en 1794. La urbo rapide konatiĝis kaj en 1838 la Reĝino Viktorino donis al la urbonomo la prefikson 'Reĝa'.
Ekster la urbodomo troviĝas statuo de la Reĝino Viktorino. Dum la dua mondmilito falis bombo tre apude kaj laŭdire la statuo moviĝis 2/3cm sur sia bazo, sed ne forfalis.

1 comment:

Biby Cletus said...

Cool blog, i just randomly surfed in, but it sure was worth my time, will be back

Deep Regards from the other side of the Moon

Biby Cletus