Kvankam pluvegas senĉese ekde 5 tagoj, mi estas en tre bona humoro hodiaŭ, ĉar mia letero pri Esperanto (vidu mian blogon de la 19-a de majo) publikiĝis hodiaŭ en la Brita ĵurnalo Financial Times. Tio estas sufiĉe prestiĝa kaj serioza ĵurnalo. Unu el la redaktoroj telefonis al mi hieraŭ informi min ke ili publikigus la leteron kaj diris ke estis pli amuze ol multaj leteroj kiujn ili ricevas (mi iom fanfaronas - pardonu min!)Jen, ĉi-supre, do, la artikolo. Vi ankaŭ povas legi ĝin rete ĉe la Financial Times. Espereble bona propagando por Esperanto!
5 comments:
Gartulon kaj dankon kara Eriketo.
Gratulon, Eriketo! Mi ĝojas, ke via letero aperis en la renoma ĵurnalo. Ĝi efike rebatis.
Mi iom ne certis antaŭe, ĉu "renoma ĵurnalo" ne signifu ĵurnalon kiu re-nomis iun aŭ ion, sed poste trankviliĝis eksciinte, ke temas pri la dua signifo :) Ĉiukaze, via reago estas tre bona kaj mi ĝojas, ke ĝi iĝis tiom pozitive akceptita.
Gratulon. Tre sprita komento, kaj tre oportuna reago.
Saluton Eriketo. Mi denove regratulas vin pro via informplena kaj amuza letero. Bona reklamo, ĝi ja estas por Esperanto.
Post a Comment