Pages

04/11/2015

Fenikopteroj, pandoj, surikatoj kaj pingvenoj

Kiam mi estis infano, foje kun miaj gepatroj ni akompanis la Esperantistojn ĉe la apuda urbo Bristolo al la bestoĝardeno tie.  Min ĉiam fascinis la grandaj rozkoloraj fenikopteroj.  Mi ĉiam havis problemojn, tamen, diferencigi inter la vortoj 'fenikoptero' kaj 'helikoptero', kiuj sonis al mi tre similaj.  Estas strange kiel tiu malfacilaĵo fiksiĝis en mia cerbo kaj eĉ nun (post multaj jaroj) kiam mi vidas tiujn birdojn mi kelksekunde hezitas antaŭ ol trovi la ĝustan vorton!

Nu, la ĉi-subaj fenikopteroj estas ĉe la bestoĝardeno Ueno en Tokio. (Mi ĵus legis ke la vorto 'flamengo' estas nuntempe pli uzata en Esperanto - eĉ pli komplika por mi!)

fenikopteroj ĉe la bestoĝardeno de Ueno

fenikopteroj ĉe la bestoĝardeno de Ueno

Ankaŭ ĉe la bestoĝardeno ni vidis la mondfamajn pandojn

pando ĉe la bestoĝardeno de Ueno

pando ĉe la bestoĝardeno de Ueno

pando ĉe la bestoĝardeno de Ueno

Estis pluraj interesaj bestoj tie - inkluzive, ĉi-sube, surikatojn:

surikato ĉe la bestoĝardeno de Ueno

Surikato ĉe la bestoĝardeno de Ueno

La sturno ĉi-sube interesis min. En mian ĝardenon alvenas nigraj sturnoj, sed mi neniam antaŭ vidis bluan sturnon:

Sturno ĉe la bestoĝardeno de Ueno

Fine, jen kelkaj pingvenoj:










No comments: