Pages

14/12/2005

butikumado

Alproksimiĝas la Kristnaskaj festoj kaj la frenezaj butikumantoj ĉiutage grandskale invadas la urbocentron. La butikoj estas jam malfermitaj kiam mi tramarŝas la urbon laŭvoje al la laboro je la 8.15a (kutime ili malfermiĝas je la 9-a aŭ la 9.30a) kaj restas malfermitaj ĝis la 21a aŭ 22a horo.

Kvankam oni diras en la maskomunikilaro ke butikumantoj ĉi-jare malmulton elspezas en la butikoj (ofte preferante aĉeti interrete) estas multegaj personoj vagantaj tra la stratoj kun sakaro. (Plej multe indignigas min tiuj kiuj grupe staras meze de la trotuaro babilante - vi konstatos kiom mi malpaciencas!) Nu, restas nur 10 tagoj ĝis Kristnasko - kaj tiam la januaraj elvendoj!

No comments:

Printempo alvenas!

Kunloĝantoj en la norda hemisfero, ĉu ne januaro ĉijare estis unu el la plej longaj monatoj de via vivo ankaŭ? Malbona vetero, senluma ĉielo...