La areo 'Cotswolds' [kotsŭoldz] troviĝas en sudcentra anglio kaj estas konata kiel tre bela distrikto (kun la oficiala titolo 'Areo de Elstara Natura Beleco').
Estas tre kampara regioneto kun belaj vilaĝoj kie troviĝas multaj dometoj faritaj el la loka ŝtono. 'Cotswold'-a ŝtono estas Ĵurasia kalkoŝtono kiu, en tiu regiono, havas flavecan koloron.
El nia hotelĉambra fenestro ni havis belan panoramon sur la centro de la vilaĝo.
Mickleton ne estas inter la plej famaj vilaĝoj de la regiono, sed havas interesajn konstruaĵojn kaj estas bela. Kaj, kiel vi vidas, la suno eĉ brilis!
 |
| La preĝejo ankaŭ estas farita el Kotsŭolda ŝtono. |
 |
| Kelkaj trabfakaĵaj domoj ankaŭ troviĝas en la vilaĝo. |
 |
| En la bela hotela ĝardeno. |
Se vi iam vizitos Brition kaj ŝatus vidi 'tipajn anglajn vilaĝojn' jen tre bela regiono por vi.
